టాల్‌స్టాయ్‌ కథలు ... అనువాదం: మహీధర జగన్మోహనరావు, ఉప్పల లక్ష్మణరావు

... నాలుగు కథల బంగారం ...

రష్యా చక్రవర్తుల నిరంకుశత్వాన్నీ, ఆనాటి జమీందారీ సమాజంలోని అన్యాయాల్నీ తీవ్రంగా ఖండిస్తూ, ప్రజల్ని చైతన్యవంతుల్ని చేసేందుకు తన రచనల ద్వారా విశేష కృషి చేసిన మహనీయుడు టాల్‌స్టాయ్‌.
ఆయన గ్రంథాలు కేవలం రష్యాలోనే కాక ప్రపంచ వ్యాప్తంగా ప్రసిద్ధి చెందాయి.

కథానికా రచనలోనూ, నవలా రచనలోనూ టాల్‌స్టాయ్‌ది అందెవేసిన చేయి.
దాదాపు ప్రపంచ భాషలన్నింటిలోకీ ఆయన రచనలు అనువదించబడ్డాయి.

టాల్‌ స్టాయ్‌ రాసిన నాలుగు చిన్న కథల సంకలనమిది. ఆ కథలు:

1. ఎంత భూమి కావాలి?
2. కోడిగ్రుడ్డంత గోధుమ గింజ
3. చిన్న పిల్లల తెలివి
4. విందు తర్వాత

వీటిలో మొదటి మూడు కథలను మహీధర జగన్మోహనరావు, చివరి కథను ఉప్పల లక్ష్మణరావు అనువదించారు. 1880లలో రాసిన కథలైనప్పటికీ ఈనాటి సమాజానికి కూడా పనికొచ్చే సందేశాన్నీ, స్ఫూర్తిని అందిస్తాయీ కథలు. ఇవి అపరూపమైనవే కాదు అజరామరమైనవి కూడా!

టాల్‌ స్టాయ్‌ కథలు
తెలుగు అనువాదం: మహీధర జగన్మోహనరావు, ఉప్పల లక్ష్మణరావు
ప్రథమ ముద్రణ: 1984
పునర్ముద్రణ: 1989,2000
32 పేజీలు, వెల: రూ.9


ప్రతులకు, వివరాలకు:
హైదరాబాద్ బుక్ ట్రస్ట్,
ప్లాట్ నెం.85, బాలాజీ నగర్, గుడి మల్కాపూర్,
హైదరాబాద్ - 500 067

ఫోన్ : 040-2352 1849
……………………