హైదరాబాద్ బుక్ ట్రస్ట్ తొలి కార్యాలయం

హైదరాబాద్ బుక్ ట్రస్ట్ తొలి కార్యాలయం 1980 బషీర్ బాగ్

హైదరాబాద్ బుక్ ట్రస్ట్  40 సంవత్సరాల క్రితం కొంతమంది ఔత్సాహికుల సమిష్టి కృషితో 1980 జనవరి లో ప్రారంభించ బడింది.  హెచ్.బి.టి. తొలి నాళ్ళ కార్యాలయం ఫోటో ఇది. బషీర్ బాగ్ చౌరస్తాలో ఓరియంట్ బ్లాక్ స్వాన్ వారి ఆవరణలో వుండేది. లక్ష్మి గారు ఆమె తండ్రి రామేశ్వర్ రావు గారు తమ కార్యాలయం వెనక వన్న ఈ రెండు గదులను ఎంతో ఉదారంగా ఒక్క పైసా అద్దె లేకుండా హైదరాబాద్ బుక్ ట్రస్ట్ కు ఇచ్చారు. 

ఎంతో ప్రశాంతమైన, అందమైన ఆ ఆవరణలో దాదాపు నాలుగు సంవత్సరాల పాటు హెచ్. బి. టి. తన కార్యకలాపాలను కొనసాగించింది. హెచ్ బి టి అనే మొక్క నిలకడగా ఎదిగేందుకు ఆనాడు వాళ్ళు అందించిన చేయూత  ఎంతగానో తోడ్పడింది. 

అలాగే మంచి పుస్తకాల ఎంపిక, అనువాదం, డీటీపీ, ప్రూఫ్ రీడింగ్, ప్రింటింగ్, అమ్మకాలు, కార్యాలయ నిర్వహణ మొదలైన అనేక పనుల్లో మరెందరో మిత్రులు, కామ్రేడ్స్, పుస్తకాభిమానులు తమ సహాయ సహకారాలను  అందించడం వల్లనే ఈ నాలుగు దశాబ్దాలుగా హెచ్ బి టి తన మనుగడను అప్రతిహతంగా సాగించ గలుగుతోంది. 

ఈ సందర్భంగా  వారందరికీ పేరు పేరునా కృతజ్నతాభివందనములు తెలియజేసు కుంటున్నాము .