నిర్జన వారధి - కొండపల్లి కోటేశ్వరమ్మ ...

ఇవీ...నేను అనుకున్నవి 

నేను ఒక గొప్ప వ్యక్తినీ, రచయిత్రినీ కాకపోయినప్పటికీ 'నీ జీవితం ఓ కావ్యం లాంటిది. అది పదిమందికీ తెలియడం అవసరం' అని చెపుతుండేవాళ్ళు కొంతమంది పెద్దలూ, మిత్రులూ. 'సామాన్యుని సాహసమెట్టిదో...' చరిత్రలో నమోదు కావాలని మహీధర రామమోహనరావు, చేకూరి రామారావు, స్మైల్‌ వంటివాళ్ళు, పరకాల పట్టాభి రామారావు, మానికొండ సూర్యావతి వంటి మిత్రులు నన్ను ఆత్మకథ రాయమని ప్రోత్సహిస్తుండే వాళ్ళు. 

జ్ఞాపకాలను తట్టి లేపితే కన్నీటి ఊట ఉబికి వచ్చే జీవితం నాది. తడిసిన ఆ అక్షరాలను అర్థవంతంగా కాగితం మీద పెట్టడం నా వల్ల అవుతుందా అనుకున్నాను. అందుకే ఇన్నేళ్ళుగా ఆ ప్రయత్నం చేయలేదు. 

నా మనవరాళ్ళు అనురాధ, సుధ, నన్ను అమ్మమ్మా అని పిలిచే మరో మనవరాలు వసంత (వేమన వసంతలక్ష్మి) 'నీ ఒంట్లో శక్తి తగ్గకముందే నీ జీవితాన్ని కథగా రాయి. ముందు తరాలకు తెలియకుండా దాన్ని మాసిపోనివ్వొద్ద'ని మరీ మరీ చెప్పారు. 

అయినా నా శక్తీ, నా కంటిచూపూ అందుకు సహకరిస్తాయా అని సందేహించాను. 

నీ మిత్రులు ఎందుకు రాయమన్నారో ఆలోచిస్తేనూ, విూరు ఆనాడు ఎందుకు ఉద్యమించారో గుర్తుచేసుకుంటేనూ నీ కన్నీరే కథగా ప్రవహిస్తుంది ప్రారంభించమన్నారు వాళ్ళు. 

అచ్చు ప్రతిని సిద్ధం చేయడంలో అనురాధ, అనురాధ మిత్రులు వాసుగారు, వసంత ఎంతో సహకరించారు. సుందరయ్యగారు, రాజేశ్వరరావు గారిలాంటి వ్యక్తులు నా జీవితంతో ఎంతగానో ముడిపడిపోయిన వ్యక్తులు కాబట్టి సహచర కామ్రేడ్స్‌ మీద రాసిన సంస్మరణ వ్యాసాలను కూడా ఇందులో అనుబంధంగా చేర్చాను. ప్రత్యేకించి అనురాధ అచ్చు ప్రతిని సిద్ధం చేయడంలో చాలా శ్రమ తీసుకుంది. 

స్త్రీ జనాభ్యుదయంపై ప్రేమాభిమానాలున్న ఓల్గాగారు అడగ్గానే ముందుమాట రాయడానికి ఒప్పుకున్నారు. నా కథను పాఠకులు లోతుగా ఆలోచించేటట్లుగా చారిత్రక ఉద్యమాల అవగాహనతో విశ్లేషించారు. 

ఈ పుస్తక ప్రయత్నం గురించి తెలిసి దాన్ని అచ్చువేయడానికి హైదరాబాద్‌ బుక్‌ ట్రస్ట్‌ వారు ముందుకొచ్చారు. 'సంస్కరణోద్యమం, జాతీయోద్యమం, కమ్యూనిస్టు ఉద్యమం, నక్సల్బరీ ఉద్యమం మొత్తం నాలుగు ఉద్యమాలతో సంబంధం ఉన్న జీవితం మీది. కనుక దేన్నీ వదిలిపెట్టకుండా రాయమని' కొన్ని సూచనలిచ్చారు బుక్‌ ట్రస్ట్‌ 
గీత గారు. ఆ ప్రకారం మరికొన్ని అనుభవాలు గుర్తు తెచ్చుకుని రాశాను. మరికొన్నిటిని విమలగార్ని విశాఖపట్నం పంపి రికార్డు చేయించి ఇందులో చేర్చారు. 

ఇందరి సహకారంతో నా జీవిత కథ ఇవ్వాళ నా 92వ యేట పుస్తక రూపంలో రానుంది. వారందరికీ నా హృదయపూర్వక కృతజ్ఞతాభివందనాలు. 

నా జీవిత కథ చదివిన పాఠకులు ఇది సంఘ శ్రేయస్సు కొరకు రాయబడిందను కుంటే సంతోషిస్తాను. నా కథ మనిషిలో మంచిని ఏ కొంచెమైనా పెంచుతుందను కుంటే నా శ్రమ ఫలించిందనుకుంటాను. ఇన్నేళ్ళ నా బ్రతుకు వృథా కాలేదని తెలిసి తృప్తిపడతాను. 


- కొండపల్లి కోటేశ్వరమ్మ
15.8.2012
(నిర్జన వారధి పుస్తకంలోనుండి )

నిర్జన వారధి 

కొండపల్లి కోటేశ్వరమ్మ ఆత్మకథ 

పేజీలు  184 వెల: రూ. 100 /- 

ప్రతులకు:

హైదరాబాద్ బుక్‌ట్రస్ట్, 

ఫ్లాట్ నెం. 85, బాలాజీనగర్, 

గుడిమల్కాపూర్, హైదరాబాద్-6.

Now NIRJANA VAARADHI  is available to the international Telugu reader;
Here is the link to the book:

http://kinige.com/kbook.php?id=1196&name=Nirjana+Vaaradhi

ఆదివారం ఆవిష్కరించబోతున్న "నిర్జన వారధి" పుస్తక ముఖచిత్రం ...

ఆదివారం ఆవిష్కరించబోతున్న "నిర్జన వారధి" పుస్తక ముఖచిత్రం ...

కొండపల్లి కోటేశ్వరమ్మ ఆత్మకథ 'నిర్జన వారధి' ఆవిష్కరణ సభ ... సెప్టెంబర్ 23 ఉదయం 10 -30 గంటలకు హిమాయత్ నగర్ ఉర్దూ హాల్ లో ...

ఆహ్వానం


తొంభైరెండు సంవత్సరాల కొండపల్లి కోటేశ్వరమ్మను గౌరవించుకోవడానికి ఇప్పుడొక సందర్భం వచ్చింది.

ఆమె రాసిన ఆత్మకథ 'నిర్జన వారధి' నుంచి కొన్ని భాగాలు చదివి, మాట్లాడేందుకు -

మల్లు స్వరాజ్యం,
 చేకూరి రామారావు, 
ఎ.బి.కె.ప్రసాద్‌, 
రమా మేల్కొటే,  
వోల్గా, 
విమల, 
గుడిపాటి, 
మంజరి 
మొదలైనవాళ్ళంతా వస్తున్నారు. 
మీరూ తప్పక రండి.

23 సెప్టెంబర్‌ 2012 ఆదివారం 
ఉదయం 10-30 గంటలకు
ఉర్దూహాల్‌, హిమాయత్‌ నగర్‌, హైదరాబాద్‌

-హైదరాబాద్‌ బుక్‌ ట్రస్ట్‌
ఫోన్‌ నెం. 040 23521849

నిర్జీవంగా వున్న (కొండపల్లి) సీతారామయ్యను చూస్తే ఎన్నో జ్ఞాపకాలొచ్చాయి.... ఇన్ని సంవత్సరాల జీవితాన్ని ఉద్యమం కోసం, ప్రజల కోసం... ధారపోశాక చూడ్డానికి వాళ్ల పార్టీవాళ్ళెవరూ రాలేదెందుకని? తమ ఉద్యమనేత చనిపోతే విభేదించాడని వదిలేస్తారా? నన్ను... సీతారామయ్య తనకి అనుకూలంగా లేనని చెప్పి ఆనాడు వదిలేశాడు. ఇప్పుడు సీతారామయ్యను వాళ్లు వదిలేశారు. ఇంతేనా జీవితం?
- కొండపల్లి కోటేశ్వరమ్మ

కొండపల్లి కోటేశ్వరమ్మగారు మూడు ఉద్యమాల వారధి. మూడు ఉద్యమాలలోని స్త్రీల పోరాట పటిమకు, వేదనకు కూడా ప్రతినిధి. మూర్తీభవించిన ఉద్యమ రూపం. ఆమె జీవితం చదువుతుంటే ఒక వ్యక్తి జీవితంలో ఇంత దుఃఖం ఉంటుందా అని మనసు ఆర్థ్రమవుతుంది. ఆ దుఃఖం ఎంత వ్యక్తిగతమో అంత సామాజికం, రాజకీయం...
-వోల్గా
(నిర్జన వారధి పుస్తకం ముందుమాట నుండి)




.

సగటుజీవి కథ ...

బెంగాలీ రచయిత బిభూతి భూషణ్‌ బందోపాధ్యాయ తన 'పథేర్‌ పాంచాలి' తర్వాత, రెండో భాగంగా 'అపరాజితో' రచించారు. 

ఈ రెండు నవలలనూ కలిపి విఖ్యాత దర్శకుడు సత్యజిత్‌ రే మూడు చిత్రాలుగా రూపకల్పన చేశారు. 

నవలలోని కథానాయకుడు అపూ కష్టాలూ కన్నీళ్లూ అధిగమిస్తూ ప్రశాంతంగా జీవించాలని తపిస్తాడు. వీలైనంతవరకూ ఇతరులకు 
సాయపడాలన్నది అతని సంకల్పం. చిమ్మచీకట్లో చిరుపీదాన్ని వెతుక్కుంటూ ప్రస్థానం సాగిస్తాడు. పల్లెల నుంచి పట్నాలకు 
వలసలు, ఛిద్రమవుతున్న గ్రామీణ వ్యవస్థ పెరిగిపోతున్న పేదరికం, తరిగిపోతున్న మానవ సంబంధాలను స్పశిస్తూ ప్రతి పాత్రనూ 
హృద్యంగా మనముందుంచారు రచయిత. 

బెంగాలీ సాహిత్యాన్ని అభిమానించే ప్రతి ఒక్కరూ చదివి తీరాల్సిన నవల.

అపరాజితుడు
బెంగాలీ మూలం: బిభూతి భూషణ్‌ బందోపాధ్యాయ
అనువాదం: కాత్యాయని
పేజీలు: 197, వెల: రూ.100/-

ప్రతులకు: 
హైదరాబాద్‌ బుక్‌ ట్రస్ట్‌, ప్లాట్‌ నెం. 85, బాలాజీ నగర్‌, గుడి మల్కాపూర్‌, హైదరాబాద్‌-500006

- కెవియల్లెన్‌
(ఈనాడు ఆదివారం 9-9-2012 సౌజన్యంతో)

అణువుపై ఒకింత అవగాహన...జీవశాస్త్ర విశేషాల సమాహారం ...

 అణువుపై ఒకింత అవగాహన

రచయితల ఊహల్లోని ఆలోచనలను అక్షరబద్ధం చేసేందుకు పెద్దగా శ్రమించాల్సిన అవసరం లేకపోయినా శాస్త్ర సంబంధిత అంశాల విషయంలో మాత్రం జాగ్రత్త అవసరం. ఈ పరిమితి మూలంగా రచనలోని భావధారకు తరచూ బ్రేక్‌పడే అవకాశముంది. కొడవటిగంటి రోహిణీప్రసాద్ రచన ‘అణువుల శక్తి’లో ఈ పరిమితిని చాలా వరకూ అధిగమించారనే చెప్పాలి. ఇటీవలి కాలంలో బహుళ ప్రాచుర్యంలోకి వచ్చిన లార్జ్ హాడ్రాన్ కొలైడర్ ప్రయోగం ప్రస్తావనతో పదార్థ లక్షణాలకు పరిచయం కల్పించడం... అక్కడి నుంచి క్రమేపీ గతంలోకి.. ఆ వెంటనే వర్తమానంలోకి తీసుకొస్తూ రచనను నడపడం హాయిగొలిపింది. పాఠ్యపుస్తకాల్లో కనిపించే గ్రాంధిక భాషను పక్కనబెట్టి వాడుక భాషలోనే అంశాలను వివరించేందుకు చేసిన ప్రయత్నం ఎన్నదగ్గది. అయితే వాడుకలో లేకపోవడం వల్లనో... స్థిరీకరించకపోవడం వల్లనో తెలియదు కానీ... రచయిత వాడిన కొన్ని పదాలు కొంచెం ఇబ్బందిగా అనిపిస్తాయి. కొత్త పదబంధాలను సృష్టించి ఉంటే శాస్త్ర సంబంధ దృగ్విషయా లకు తగిన తెలుగు అనువాదాలు లేకపోవడమన్న లోటును అధిగమించి ఉండవచ్చునన్న భావన కలుగుతుంది.

జీవశాస్త్ర విశేషాల సమాహారం
రచయిత కొడవటిగంటి రోహిణీ ప్రసాద్ తన ముందుమాటలో చెప్పినట్లు సైన్స్ రచయితల బాధ్యతను గుర్తుచేసే సంకలనం ఇది. మార్కుల ప్రాతిపదికన చదువుకునే పాఠ్యపుస్తకాల మాదిరిగా కాకుండా సంక్లిష్టమైన అంశాలకూ సులభగ్రాహ్యంగా ఉందీ రచన. కాబట్టి విద్యార్థులు తరగతి గదుల్లోని చదువుకు మెరుగులు దిద్దేందుకూ ఉపయోగపడుతుంది. పరిణామ సిద్ధాంతాన్ని... మన ఆలోచనాసరళి, వచ్చే వ్యాధులకు ఉన్న జన్యుమూలాలను తెలిపేందుకు చేసిన ప్రయత్నమూ బాగుంది. సంకలనం మొత్తమ్మీద మూఢనమ్మకాలపై రచయితకు ఉన్న సహేతుక వ్యతిరేకత... వాటిని దనుమాడేందుకు చేసిన ప్రయత్నం ప్రస్ఫుటంగా కనిపిస్తుంది.

- గిళియార్ గోపాలకృష్ణ మయ్యా

అణువుల శక్తి, 

పే 192, వెల రూ. 100/-,
జీవశాస్త్ర విజ్ఞానం: సమాజం,
పే 175, వెల రూ 100/- /
రచన: కొడవటిగంటి రోహిణీప్రసాద్/

ప్రతులకు:
 హైదరాబాద్ బుక్‌ట్రస్ట్, ఫ్లాట్ నెం. 85, బాలాజీనగర్, గుడిమల్కాపూర్, హైదరాబాద్-6.

( సాక్షి దినపత్రిక 3 సెప్టెంబర్ 2012 సౌజన్యం తో )

సైన్సు సంగతులు ...

రోహిణీ ప్రసాద్‌ తన పుస్తకం 'అణువుల శక్తి'లో అణువు సామర్థ్యం గురించి సామాన్య పాఠకుడికి కూడా అర్థమయ్యేలా వివరించారు. అధునాతన సైన్స్ విశేషాలు పరిచయం చేశారు. 

నానో టెక్నాలజీ సంగతులు ప్రస్తావించారు. రకరకాల అణు రియాక్టర్ల విశేషాలేగాక, అణువిద్యుత్‌ రంగంలో చోటుచేసుకుంటున్న రాజకీయాల గురించి కూడా వివరించారు.

మరో పుస్తకం 'జీవశాస్త్ర విజ్ఞానం - సమాజం'లో జన్యుపరమైన లక్షణాలు ఏవిధంగా జీవరాశి మనుగడకూ ప్రవర్తనకూ మూలాలుగా ఉంటాయో వివరించిన తీరు పాఠకుల చేత చదివింపజేస్తుంది. 

మనిషి ముసలితనానికీ చావుకీ వెనకున్న కారణాలను తెలుసుకోడానికి జరుగుతనన్న పరిశోధనల్ని చక్కగా వివరించారు.

అణువుల శక్తి
పేజీలు 192; వెల: రూ.100/-

జీవశాస్త్ర విజ్ఞానం-సమాజం
పేజీలు: 175; వెల:రూ.100/-

రచన: కొడవటిగంటి రోహిణీ ప్రసాద్‌

ప్రతులకు:
హైదరాబాద్‌ బుక్‌ ట్రస్టు
ప్లాట్‌ నెం.85, బాలాజీ నగర్‌,
గుడిమల్కాపూర్‌, హైదరాబాద్‌- 500006

- సి.వి. సర్వేశ్వర శర్మ
(ఈనాడు ఆదివారం 26-8-2012 సౌజన్యంతో)

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

For E Books at Kinige . com Pl. click here:

1. అణువుల శక్తి

2.  జీవశాస్త్ర విజ్ఞానం-సమాజం

.

.

HBT Book Club ... హెచ్‌బిటి బుక్‌ క్లబ్‌లో చేరండి... 25% రాయితీ పొందండి !

HBT Book Club
HBT Book club membership helps in maintaining a relationship with us.
It works much like a bank account.
You deposit money in multiples of Rs. 100 with us and take books at 25%.
When your account nears nil balance, you renew it.
If you would like all books to be sent to you, we can do so.
Alternatively, we can call you up every time a new book is released and you can then decide.

హెచ్‌బిటి బుక్‌ క్లబ్‌లో చేరండి... 25% రాయితీ పొందండి !

అభిమాన పాఠకులతో ఆత్మీయ సంబంధాన్ని పెంపొందించుకునే ఉద్దేశంతో హైదరాబాద్‌ బుక్‌ ట్రస్ట్‌ ఎప్పటినుంచో ఒక బుక్‌ క్లబ్‌ను నిర్వహిస్తోంది. 

ఈ క్లబ్‌లో చేరిన పుస్తకాభిమానులకు హైదరాబాద్‌ బుక్‌ ట్రస్ట్‌ ప్రచురించే పుస్తకాలన్నింటిపై 25 శాతం రాయితీ లభిస్తుంది.
హెచ్‌బిటి బుక్‌ క్లబ్‌లో ఎవరైనా, ఎప్పుడైనా కనీసం వంద రూపాయల మొత్తంతో సభ్యులుగా చేరవచ్చు.

ఆ తరువాత మీకు వీలైనప్పుడల్లా వంద, రెండువందలు, మూడువందలు ఇలా వంద డెనామినేషన్‌తో ఎంత మొత్తమైనా మీ ఖాతాలో జమచేసుకుంటూ వుండాలి.
మీరు ఎప్పుడంటే అప్పుడు మీరు కోరిన హెచ్‌బిటి పుస్తకాలను మీ ఖాతాలో వున్న మొత్తం పరిధిలో 25 శాతం రాయితీతో మీకు అందజేయడం జరుగుతుంది.


మీ ఖాతాలో సొమ్ము నిల్వ అయిపోయితే మీరు మళ్లీ వంద రూపాయల చొప్పున జమ చేస్తూ పోవాలి. 
ఒకేసారి ఎక్కువ పుస్తకాలు కావాలనుకుంటే ఆమేరకు మీరు డబ్బును జమ చేయాల్సి వుంటుంది. 

ఈ డబ్బును మీరు స్వయంగా మాకార్యాలయానికి వచ్చిగానీ, మనీఆర్డర్‌ ద్వారా గానీ, హైదరాబాద్‌ బుక్‌ ట్రస్ట్‌ పేరిటి తీసిని డి.డి. రూపంలో గానీ లేదా ఇంటర్‌నెట్‌ బ్యాంకింగ్‌/మనీ ట్రాన్స్‌ఫర్‌ ద్వారా గానీ ఎలాగైనా మీ ఖాతాలో జమ చేసుకుంటూపోవచ్చు.
మనీ ట్రాన్స్‌ఫర్‌ కోసం మా కార్యలయం ను సంప్రదించి మా బ్యాంకు అకౌంట్‌ నెంబర్‌ను తీసుకోవచ్చు. 

మీరు హెచ్‌బిటి బుక్‌ క్లబ్‌లో చేరగానే మీకు మీ క్లబ్‌ మెంబర్‌షిప్‌ ఖాతా నెంబర్‌ను, మా క్యాటలాగ్‌ను పంపిస్తాము.
మీరు కోరిన హెచ్‌బిటి పుస్తకాలను విపిపి ద్వారా మీకు బట్వాడా చేయడం జరుగుతుంది. 

విపిపి చార్జీలో కేవలం 1/3వ వంతు ఛార్జీని మాత్రమే మీరు భరించవలసి వుంటుంది. ఇది సాధారణంగా ఐదు, పది రూపాయలు మించదు. మిగతా ఖర్చును హెచ్‌బిటియే భరిస్తుంది.  

రండి,
హెచ్‌బిటి బుక్‌ క్లబ్‌లో చేరండి.
మంచి పుస్తకాల ప్రచురణలో మీరూ భాగస్వాములవండి.

మా చిరునామా:
హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడి మల్కాపూర్‌, హైదరాబాద్‌ - 500 006

ఫోన్‌ నెం. 040 - 2352 1849
ఇమెయిల్‌:   hyderabadbooktrust@gmail.com

.

అపూ విజయం...

Aparajitudu

తెలుగు సాహిత్యంలో అనువాద రచనలకు ఎప్పుడూ ఒక ప్రత్యేకమైన స్థానం ఉంటూ వచ్చింది. అందునా బెంగాలీ నుండి అనువదించబడిన కథలకు, నవలలకు మరింత విశిష్టత ఉంది. 

ఠాగూర్ (1861-1941), శరత్ (1876-1938)ల రచనల అనువాదాలను క్షుణ్ణంగా చదివి జీర్ణించుకున్న ఒక తరం తెలుగు వాళ్ళున్నారు. శరత్ తెలుగువాడే కాదని తరువాతెప్పుడో తెలుసుకుని నిర్ఘాంతపోయిన వాళ్ళున్నారు. 

ఒకప్పుడు తెలుగువారి సాహిత్యంపైనే కాకుండా సినిమాపైన కూడా బెంగాలీ రచనల ప్రభావం ఉండేది. అయితే ఆ బంధం అక్కడితో తెగిపోయినట్లుంది. అందుకే శరత్ తర్వాత తరానికి చెందిన బిభూతిభూషణ్ బందోపాధ్యాయ (1894-1950) మొదలుకొని సమకాలీన బెంగాలీ సాహిత్యం వరకు తెలుగు అనువాదాలు రావాల్సిన మేరకు రాలేదు. ఈ లోటుని పూరించేందుకు కాత్యాయని గారి ఈ అనువాదం ఎంతగానో దోహదం చేస్తుంది.

బిభూతి భూషణ్ రచించిన 'పథేర్ పాంచాలి', 'అపరాజిత' అనే రెండు నవలల్ని మూడు సినిమాలుగా మలిచిన సత్యజిత్ రే, అంతర్జాతీయ సినిమా రంగంలోనే కాక అటు ప్రపంచ సాహిత్యంలోనూ వాటికి మహోన్నత స్థానాన్ని సుస్థిరం చేశాడు. 

నిజానికి ఈ రెండు నవలలూ బిభూతిభూషణ్ తన స్వీయానుభవాల ఆధారంగా రచించినవే. గొప్ప రచనలన్నిటిలోనూ గోచరించే ఆత్మకథా వస్తు విశేషం వీటిల్లోనూ దాగి ఉంది. అందుకే అవి ఎంతో నిజాయితీతో కూడిన నమ్మశక్యమైన మానవీయ గాథలుగా చదువరుల హృదయాలకు హత్తుకుపోయాయి.

ఎన్నో తరాలబాటు స్వయంపోషకంగా ఉండిన గ్రామీణ వ్యవస్థ శిథిలం కావడం, వ్యవసాయ ఆదాయం ఇగిరిపోవడం, నడ్డివిరిచే రుణభారం, పట్టణాలకు వలసపోవడంలోని విషాదం, 

వలస వెళ్ళిన చోట ఇమడలేకపోవడం, గతించిన రోజుల్ని తలచుకుంటూనే కొత్త పరిసరాల్లో కొత్త స్నేహాల్ని సంబంధాల్ని సృష్టించుకోవడం, నగర జీవనానికి అవసరమైన నైపుణ్యాలను, మానసిక స్థితినీ ఏర్పరచుకునే ప్రయత్నాలూ ఇవన్నీ ఈ నవలలో కనిపిస్తాయి. 

ఈ మేరకు నవలలో పేర్కొన్న సంఘటనలు- కాస్త అటుఇటుగా మొత్తం భారతదేశంలో (మరికొన్ని దేశాల్లోనూ ఎక్కడైనా జరిగి ఉండవచ్చు. సర్వజయ, దుర్గ, హరిహరుడు, అపూ, ఇంకా ఇతర పాత్రలు సమకాలీన రూపాల్లో మనకు సులభంగానే తారసపడతారు. రథచక్రపుటిరుసులలో పడి నలిగి లక్షలాదిమంది నశించిపోగా అపూ లాంటి అపరాజితులు అక్కడక్కడా నిలదొక్కుకున్నారు.

అపూ లేదా బిభూతి భూషణ్ రచయిత గనక ఈ క్రమాన్ని నమోదు చెయ్యగలిగాడు. ఇక్కడికి వచ్చేసరికి పాత్రకీ, దాని సృష్టికర్తకూ మధ్య ఉన్న హద్దులు చెరిగిపోతాయి. నిజజీవితంలో కూడా బిభూతి భూషణ్ తన చిన్ననాటి ప్రదేశానికే వెళ్ళి స్థిరపడ్డాడు. అయితే ఈ విధమైన తిరుగు ప్రయాణం అందరికీ ఇవాళ సాధ్యం అవుతుందా?...

కాత్యాయని గారి అనువాదం ఈ నవలకు, అందులోని భావుకతకు, ఆర్ద్రతకు, మార్మికతకు, ప్రకృతి వర్ణనలకు పూర్తి న్యాయం చేకూర్చే విధంగా ఉంది. నిజానికి మూల రచన చదువుతున్నామనే భావనే కలిగిస్తూ అత్యంత సాఫీగా సాగిపోయింది. 

హైదరాబాద్ బుక్ ట్రస్టు వారు తమ ప్రమాణాలకు అనుగుణంగా చక్కగా ముద్రించారు. 

ఎంతో ఆలస్యంగా తెలుగు పాఠకులకు అందిన అపురూపమైన కానుక ఈ పుస్తకం.
- ఉణుదుర్తి సుధాకర్

(ఆంధ్ర జ్యోతి ఆదివారం 26 8 2012 సౌజన్యం తో )

అపరాజితుడు,
బిభూతి భూషణ్ బందోపాధ్యాయ
పేజీలు : 200, వెల : రూ. 100

హెచ్‌బిటి పుస్తకాలను పొందేందుకు ఐదు పద్ధతులు:

హైదరాబాద్‌ బుక్‌ ట్రస్ట్‌ పుస్తకాలను ఇప్పుడు పలు రకాలుగా పొందవచ్చు.

 

HBT

1.
(నేరుగా హైదరాబాద్‌ బుక్‌ ట్రస్ట్‌ కార్యాలయం ద్వారా) 

 
మా కేటలాగ్‌ లోంచి లేదా బ్లాగు లోంచి మీకు కావలసిన పుస్తకాలను ఎంపిక చేసుకుని వాటి ధరను మాకు ఎంఒ/డిడి/మనీ ట్రాన్సఫర్‌ ద్వారా పంపిస్తే మీరు సూచించిన చిరునామాకు వాటిని మూడు రూపాయల వి.పి.పి. ద్వారా వెంటనే బట్వాడా చేయడం జరుగుతుంది. బ్యాంకు ద్వారా మనీ ట్రాన్స్‌ఫర్‌ చేయదలచిన వారు మాకు లెటర్‌ రాసి లేదా ఇమెయిల్‌ చేసి మా బ్యాంకు అకౌంట్‌ వివరాలు పొందవచ్చు.

మా పోస్టల్‌ చిరునామా:
హైదరాబాద్‌ బుక్‌ ట్రస్ట్‌,
ప్లాట్‌ నెం.85, బాలాజీ నగర్‌,
గుడిమల్కాపూర్‌, హైదరాబాద్‌ - 500006.
ఫోన్‌ నెం. 040-23521849
మా ఇ మెయిల్‌ ఐడి: hyderabadbooktrust@gmail.com
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

2.
(మీ సమీపంలోని విశాలాంధ్ర, ప్రజాశక్తి, దిశ తదితర పుస్తకాల షాపుల ద్వారా)

 
మీకు దగ్గరలోని విశాలాంధ్ర, ప్రజాశక్తి, దిశ తదితర పుస్తకాల షాపులను సంప్రదించి వారి ద్వారా నేరుగా మా పుస్తకాలను కొనుగోలు చేయవచ్చు.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

3.
(ఫ్లిప్‌ కార్ట్‌ డాట్‌ కామ్‌ వారి ద్వారా)

భారత దేశంలో ఎక్కడ వున్నవారైనా ఇప్పుడు ఫ్లిప్‌ కార్ట్‌ డాట్‌ కాం వారి ద్వారా హైదరాబాద్‌ బుక్‌ ట్రస్ట్‌ పుస్తకాలను నేరుగా ఇంటికే తెప్పించుకోవచ్చు. ఎలాంటి అదనపు పోస్టల్‌ ఖర్చు కూడా లేకుండా మీరు ఆర్డర్‌ చేసిన వారం రోజుల్లో మీరు కోరిన పుస్తకం మీ ఇంటికి వచ్చేస్తుంది. పూర్తివివరాలకు దిగువన క్లిక్‌ చేయండి:

ఫ్లిప్‌ కార్ట్‌ డాట్‌ కాం
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

4.
(ఎవికెఎఫ్‌ బుక్‌ లింక్‌ ద్వారా)

దేశదేశాలలోని తెలుగువారికి లాభాపేక్షలేకుండా విశిష్ట సేవలు అందిస్తున్న ''అప్పాజోస్యుల, విష్ణుభొట్ల కందాళం ఫౌండేషన్‌ ఆఫ్‌ అమెరికా'' (ఎవికెఎఫ్‌) వారిని సంప్రదించి అదనపు ఖర్చులు లేకుండానే హైదరాబాద్‌ బుక్‌ ట్రస్ట్‌ పుస్తకాలను పొందవచ్చు. వివరాలకు దిగువ క్లిక్‌ చేయండి:

ఎవికెఎఫ్‌ బుక్‌ లింక్‌
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

5.
(కినిగె డాట్‌ కామ్‌ వారి ద్వారా ఇ బుక్స్‌) 

 

Kinige.com

కినిగె డాట్‌ కామ్‌ వారు ప్రస్తుతం హైదరాబాద్‌ బుక్‌ ట్రస్ట్‌ పుస్తకాలను ఇ బుక్స్‌ రూపంలో అందిస్తున్నారు. పది శాతం వరకు రాయితీ సౌకర్యం కూడా కల్పిస్తున్నారు. పూర్తివివరాలకు దిగువ క్లిక్‌ చేయండిః

కినిగె డాట్‌ కామ్‌

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

' చినిగిన చొక్కా అయినా తొడుక్కో... కానీ ఒక మంచి పుస్తకం కొనుక్కో...! '

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, 


.

ABOUT US - మా గురించి...

About us

Hyderabad Book Trust is a not-for-profit publishing collective set up in 1980 to address the need for broad-based diverse reading that addresses the concerns of society, for all sections of Telugu people. 

It is also a registered trust. 

We publish 10-20 books a year on varied topics.

The people behind HBT

HBT still largely runs on volunteer work by dedicated individuals who read, review, edit, proof-read, design covers and layout, and otherwise help in the myriad work associated with publishing. 

This blog, for instance, was maintained and run by Prabhakar Mandaara from May 2008 till recently.

The trust board has G Manohar, Shanta Sinha, Madhavilata, A.Bhaskar, B. Syamasundari, M. Sashi Kumar and Gita Ramaswamy, 

and our full timers presently are Ravi Battula, Zubel and K.Suresh

Our Address:

Hyderabad Book Trust, 

Plot No.85, Balaji Nagar, 

Gudimalkapur, Hyderabad - 500 006.

Phone No. 040 - 2352 1849

E Mail ID: hyderabadbooktrust@gmail.com

******************************************************************************************

 మా గురించి...

హైదరాబాద్‌ బుక్‌ ట్రస్ట్‌ 1980లో నెలకొల్పబడిన లాభాపేక్షలేని ప్రచురణా సంస్థ. అన్ని వర్గాల తెలుగు ప్రజల అభిరుచులనూ, సామాజిక సమస్యలనూ దృష్టిలో పెట్టుకుని విశాల దృక్పథంతో పుస్తకాలను వెలువరించాలన్నది సంస్థ లక్ష్యం. 

ఇందుకుగాను ఒక ట్రస్టును కూడా ఏర్పాటు చేయడం జరిగింది.  

ప్రతి సంవత్సరం విభిన్న అంశాలపై పది నుంచి ఇరవై వరకూ పుస్తకాలను క్రమంతప్పకుండా ప్రచురిస్తున్నాం.

మా బృందం సభ్యులు:

ఈ సంస్థ ప్రధానంగా కొంతమంది అంకింతభావంతో అందించే సేవలపై ఆధారపడి నడుస్తోంది. పుస్తకాల ఎంపిక, సమీక్ష, ఎడిటింగ్‌, ప్రూఫ్‌ రీడింగ్‌, ముఖచిత్ర రచన వంటి అనేక అంశాలలో వారు సహాయపడుతున్నారు. 

ఉదాహరణకు ఈ బ్లాగును 2008 మే  నుంచీ  ప్రభాకర్‌ మందార   స్వచ్ఛందంగా నిర్వహిస్తున్నారు. 

హైదరాబాద్‌ బుక్‌ ట్రస్ట్‌ బోర్డులో 
జి. మనోహర్‌, శాంతా సిన్హా, ఆ. భాస్కర్, భి. శ్యామసుందరి,  మాధవిలత, సశి కుమార్, గీతా రామస్వామి  సభ్యులుగా వున్నారు. 

ప్రస్తుతం మా కార్యాలయంలో 
బత్తుల రవి, జుబెల్ కె. సురేష్  
పూర్తి స్థాయి కార్యకర్తలుగా పనిచేస్తున్నారు.

మా చిరునామా:

హైదరాబాద్‌ బుక్‌ ట్రస్ట్‌
ప్లాట్‌ నెం. 85, బాలాజీ నగర్‌,
గుడిమల్కాపూర్‌, హైదరాబాద్‌ - 500 006

ఫోన్‌ నెం. 040 - 2352 1849
Email ID : hyderabadbooktrust@gmail.com