అస్తిత్వ పోరాటం
''అడుగడుగునా నాకు చరిత్ర ఉన్నది'' ... ఇలా చాటుకోవటానికి ఎవరికైనా గుండెధైర్యం కావాలి. అంతకు మించిన పోరాట నేపథ్యం ఉండాలి. ఆ రెండూ పుష్కలంగా ఉన్నాయి కాబట్టే టి.ఎన్‌. సదాలక్ష్మి తన జీవన ప్రస్థానం గురించి అ లా వ్యాఖ్యానించుకోగలిగారు. ఒక దళిత కుటుంబంలో ... అదీ మరుగుదొడ్లు శుభ్రం చేసే 'మెహతర్‌' కులంలో పుట్టి, స్వాతంత్య్రపు తొలిదినాల్లోనే పురుషాధిక్య రాజకీయరంగంలోకి ప్రవేశించారంటేనే ఆమె ఎంత సాహసవంతురాలో అర్థమవుతుంది. పైగా అడుగడుగునా లింగ, వర్ణ వివక్షను ఎదుర్కొంటూ ఆంధ్రప్రదేశ్‌ మంత్రిమండలిలో స్థానం సంపాదించటమంటే మాటలు కాదు. డిప్యూటీ స్పీకర్‌ స్థానాన్ని అధిరోహించి మహిళాశక్తికి ప్రతీకగా నిలిచిన ఆమె జీవితం ఆద్యంతం స్ఫూర్తిదాయకం. ఆ మహోన్నత దళిత నాయకురాలి జీవితకథకు రచయిత్రి గోగు శ్యామల ''నేనే బలాన్ని'' పేరుతో అక్షరరూపం ఇచ్చారు.- పున్న సుదర్శన్‌
ఈనాడు ఆదివారం (25 సెప్టెంబర్‌ 2011) సౌజన్యంతో
పాకీ వృత్తి అనేది ఉండకూడదు. వేశ్యావృత్తి కంటే చాలా అవమానకరమైన వృత్తి అది.
ReplyDelete